Pune Porsche Accident : महाराष्ट्रात आता होणार नाही Porsche सारखं कांड; एक चूक अन् वाजेल घंटी..

अल्पवयीन मुलांना दारू मिळू नये यासाठी महाराष्ट्र सरकारने सगळ्या पब आणि बारमध्ये थंब सिस्टिम वापरण्याचा निर्णय घेतला आहे. महाराष्ट्र राज्याचे उत्पादन शुल्क मंत्री शंभुराज देसाई यांनी याबाबतची माहिती दिली आहे.(Pune Porsche Accident )

‘सगळ्या पब आणि बारवर लक्ष ठेवण्यासाठी आर्टिफिशिअल इंटलिजन्सचा वापर करण्याचा प्रस्ताव अधिकाऱ्यांच्या बैठकीत ठेवण्यात आला आहे. हे तंत्रज्ञान वापरून सगळ्या पब आणि बारवर लावलेल्या सीसीटीव्ही कॅमेराचं कनेक्शन थेट जिल्ह्याच्या एसपी कार्यालयाशी जोडलं जाईल. जर कोणता पब किंवा बार रात्रीपर्यंत सुरू राहिला तसंच नियमाचं उल्लंघन झालं तर याचा अर्लाम एसपी, डिव्हिजनल एसपी आणि कमिश्नरच्या मोबाईलवर वाजेल आणि त्यामुळे लगेच कारवाई केली जाईल’, असं शंभुराज देसाई म्हणाले.

पुणे Porsche Car अपघात प्रकरणात मोठी अपडेट; अल्पवयीन आरोपीबाबत गुन्हे शाखेचा मोठा निर्णय..

नियमाचं उल्लंघन झालं तर 3 वेळा नोटीस दिली जाईल, यानंतर कडक कारवाई केली जाईल. जर आमचा कुठलाही अधिकारी यामध्ये आढळला तर त्याच्यावरही ऍक्शन घेतली जाईल. अल्पवयीन मुलांपर्यंत दारू पोहोचू नये यासाठीही आम्ही प्रस्ताव आणला आहे. यामुळे सगळ्या बार आणि पबवर थंब सिस्टिम लावली जाईल, ज्यामुळे वय बघूनच आतमध्ये प्रवेश दिला जाईल, असं शंभुराज देसाई यांनी सांगितलं.