विद्यार्थीनीची छेड काढणाऱ्यांना हटकल्याने शिक्षकालाच मारहाण करण्यात आल्याची घटना घडलीय. वाशिमच्या रिसोड तालुक्यात हा प्रकार समोर आला आहे.
गेल्या काही दिवसांपासून अल्पवयीन मुली, विद्यार्थीनींवर अत्याचार आणि छेडछाडीच्या घटना समोर आल्या आहेत. यामध्ये आरोपींवर कठोर कारवाईसाठी एका बाजूला नागरिकांमधून मागणी होत आहे. तर दुसरीकडे विद्यार्थीनीची छेड काढणाऱ्यांना हटकल्याने शिक्षकालाच मारहाण करण्यात आल्याची घटना घडलीय. वाशिमच्या रिसोड तालुक्यात हा प्रकार समोर आला आहे. या प्रकरणी शिक्षकाने वाशिम ग्रामीण पोलीस ठाण्यात तक्रार दाखल केलीय.
याबाबत मिळालेली माहिती असी की, वाशिमच्या रिसोड तालुक्यातल्या रिठद इथं बसस्थानकावर टोळक्याने विद्यार्थीनीची छेड काढली. त्यावेळी टोळक्याला शिक्षकाने हटकलं. या कारणातून टोळक्यानेच शिक्षकांना मारहाण केल्याचा धक्कादायक प्रकार घडलाय. रिठद येथील श्री शिवाजी विद्यालय आणि कनिष्ठ महाविद्यालयाच्या मुली एस टी बसनं शाळेत ये जा करतात. त्यांना बस स्थानकावर सोडण्यासाठी गेलेल्या मारुती भिसडे या शिक्षकानं तिथे असलेल्या चिडीमारी करणाऱ्या मुलांच्या टोळक्याला हटकले
विद्यार्थीनींची छेड काढणाऱ्यांना हटकणाऱ्या शिक्षकाचं नाव मारुती भिसडे असं आहे. त्यांनी छेडछाड करणाऱ्यांना हटकल्यानं मारहाण केल्याचा प्रकार समोर आलाय. याप्रकरणी वाशिमच्या ग्रामीण पोलीस ठाण्यात तक्रार दाखल करण्यात आली आहे. या प्रकरणाचा तपास ठाणेदार श्रीदेवी पाटील करत आहे. शिक्षकाला मारहाण करणाऱ्या टोळक्यावर कडक कारवाईची मागणी गावकऱ्यांनी केलीय.
