Crime News : पुण्यात काही तासात दोन खुनाच्या घटना; आंदेकर यांच्यानंतर फायनान्स कंपनीच्या मॅनेजरची हत्या

याबाबत मिळालेली माहिती अशी की, वासुदेव कुलकर्णी हे एका फायनान्स कंपनीत मॅनेजर म्हणून काम करत होते. रविवारी रात्री घरासमोरच वासुदेव कुलकर्णी हे शतपावली करत होते. त्यावेळी अज्ञातांनी त्यांच्यावर कोयत्याने हल्ला केला. वासुदेव कुलकर्णी यांच्यावर हल्ल्यामुळे हडपसरसह पुण्यात पुन्हा एकदा भितीचं वातावरण निर्माण झालंय.

वासुदेव कुलकर्णी यांच्यावर हल्ल्यानंतर हल्लेखोर घटनास्थळावरून फरार झाले. पोलिसांनी घटनास्थळी धाव घेत या घटनेची नोंद केली असून काही संशयितांना ताब्यात घेण्यात आलंय. या प्रकरणी हल्लेखोरांचा शोध घेतला जात आहे. दरम्यान, वासुदेव कुलकर्णी यांच्या खुनाचं कारण अद्याप समोर आलेलं नाही.

वनराज आंदेकर यांची हत्या का झाली?
उदयकांत आंदेकरनी कोमकर कुटुंबाला एक दुकान चालवायला दिलं होतं, पण ते दुकान पुणे मनपाने अतिक्रमण कारवाईमध्ये पाडलं, त्याच रागातून सख्ख्या दाजीने वनराज आंदेकरची हत्या केल्याची प्राथमिक माहिती आहे. आंदेकर कुटुंबातील मुलगी लग्न करून कोमकर कुटुंबात दिली होती, वरून त्यांना घर आणि दुकानही चालवायला दिलं होतं, पण घरगुती वादातून आंदेकरची हत्या केल्याचं बोललं जात आहे.

वनराज आंदेकर कोण?
2017 ते 2022 या कालावधीत वनराज आंदेकर नगरसेवक होते. त्याआधी वनराज यांची आई राजश्री आंदेकर या नगरसेवक होत्या. 2007 आणि 2012 अशा सलग दोन टर्म त्यांनी नगरसेवक पद भुषवलं होतं. तर वनराज यांचे चुलते उदयकांत आंदेकर हेसुद्धा नगरसेवक होते. वत्सला आंदेकर या पुण्याच्या महापौर होत्या.